Literaire wedstried 2008

Umme de twie jöör ollen de Iesselacademie en de TwentseWelle, in samenwärking met de Dialektkringe Salland en Oost-Veluwe en de Kreenk vuur de Twentse Sproak een skriefwedstried veur streektaalskrievers. Der is altied een thema döör a-j aover mutten skrieven.

Dit jaor was ter gelegeneid van de opening van de Eerste Nederlandse Taalkamer van museum TwentseWelle et thema: Opening en feest.

De prieswinnaars wären:

• 1.Gerrit Kraa, met Feest bie 't losdoon van het kammenet
• 2.Riek van der Wulp-Heutink, met De winkel
• 3.Mineke Mollink-Bos, met Feestelijke opening.

Gerrit Kraa skrif in de taal van Riessen. IJ was de eerste streektaalconsulent van et Van Deinse Instituut (tot 2001), döörveur leräär Nederlands en Frans en skriever van verskillende (jeugd)boeken aover streekgeskiedenis en een antal Twentse bundels: Jewilmke, Mu-j es lustern, Doot heanig an, Goodgoan. Kraa is ok bekend van lezingen en veurdrachten aover en in de streektaal.

Riek van der Wulp-Heutink is geboren en op-egruuid in Genemuden en net as Kraa bezunder productief as skriever. Zelfstandige publicaties van äär and bin Slinger van pepiern puppies (1991), Meinsn (1997), et luusterboek Ofgelaeden treinen (2006)en et umvangrieke boek Om het spel en de knikkers (1994), een boek aover umtrent viefonderd kinderspöllegies, die deur de skriefster in un sociale en culturele context worren ezet.

Mineke Mollink-Bos skrif in de taal van Ellendoorn/Nijverdal, was met äär man eigenäär van café-restaurant De Kroon in et centrum van Ellendoorn en publiceerde de bundels Drieluik; Zeg kennen we elkaar niet? (1988) en Karresporen (1990), veur relaosies bi'j et 100-jörig bestaon van De Kroon. Zi'j wun, net as de beide andere winnäärs, al eerder verskillende priezen veur äär wärk.

vlnr: Riek van de Wulp, Mineke Mollink, Gerrit Kraa, de juryleden Geert te Velde en Harry Morshuis

Foto's: Meisjemedia

terug naar boven