uut

't is uut
en alles is nog 't zelfde:
et weer, de tied, de buschauffeur
't verkeer stopt niet,
't concært get deur,
de files die et ni'js al meldde:
't is alles onbeweugen 't zelfde

mær oe bestaon,
pas nog een jasse
die as gegeuten oe umsleut,
betrouwber-wærm beskærming beud
tegen regenvlaegen en verdriet,
zit ier te krap now,
door te wied:

oe leven is zien pasvörm kwiet

Jannie Bakker
IJsselacademie, 2005