Home | Taal | Tekst van de Maond | Tekst van de Maond 2011 | juni 2011 - In memoriam Jan Skolte
Twitter Youtube Facebook
Werkgebied
Canon van OverijsselCanonkijker in beeld Tradities in Overijssel
Stichting IJsselacademie
Bezoek- en postadres:
Eikenstraat 20
8021 WX Zwolle
t 038 331 52 35
e info@ijsselacademie.nl
juni 2011 - In memoriam Jan Skolte

Nao 't aoverlieden van de Zwolse beeldouwer Jan Skolte
deur Minke Kraijer:

Jan Skolte

Ooit skreef ik aover de Westerveldstraote nummer 10, ’t uus van mien grootolders en wöör ik bin geboren. As reactie skreef Jan Skolte mi’j toen een brief met döörin: ie kunt döör nooit ewoond ebben want mien olders wonen döör. E-j ’t nummer wel goed? Samen mossen wi’j der maer ies aover praoten en zo kwamp Jan bi’j ons thuus in Stadsagen.

Wi’j ebben in ’tzelde uus elèèfd, eerst Jan, döörnao ikke. Twie creatievelingen, ij met bakken en beeldouwen en ikke met skrieven en skilderen. Dät skiep een band, wi’j adden iets gemeen, Westerveldstraote 10.
Wi’j bleven contact ollen en kwammen zo now en dan bi’j mekaere aover de vloere. Ik gonge naor zien exposities wöör ik van genote.

juni_Jan_Scholte_Minke_Kraijer_en_de_Wieze_OeleOe ’t ook alweer pesies egaon is wee-k niet meer, maer inies was döör de Grote Wieze Oele, de trofee veur ’t Groot Zwols Dictee die ij ad emaakt toen wi’j met ’t dictee in ’t jöör 2000 van stärt gongen.
Jan zien Wieze Oele ston elk jöör fier in de raodzaal. En elk jöör was ijzelf anwezig. Samen genoten wi’j van dit traditionele gebeuren.
De winnaers kregen de trofee met naor uus. Nao een jöör kregen zi’j bi’j inlèvering van die trofee der een kleinere oele veur  terugge, ook van zien and en die mochen ze ollen. 10 jöör lank ef ij oelen veur ons emaakt. Elaas kon e ofgelopen februwaeri niet meer bi’j ’t dictee wèèn. Moch ’t dictee volgend jöör asnog weer zien voortgank kriegen, wi’j zullen Jan Skolte missen want onlanges is e op 11 mei aoverlèden. Een markante Zwollenaer is en-egaon.
Maer onze band blif, want ’t is dan niet meer allenig Westerveldstraote 10 wöördeur die band blif maer ook Gods uus, now Jan zien thuus en sträkkies ook mien thuus.
Bi’j lèven e-k em bedankt veur alles wat e veur ’t Groot Zwols Dictee ef edaon en veur mi’j. Westerveldstraote nummer 10 met alles wat mi’j döör zo dierbaer was, ef een plasien in mien ärte en döör eurt mien vriend Jan Skolte ook bi’j.  

 

Winkelmandje

VirtueMart
Uw mandje is momenteel leeg.

Tekst van de Maond
Bekijk hier alle teksten.
Nieuws
Streektaal in de zorgWoordenboek van de Overijsselse taalDigitale dossier Cursussen ambachtelijk hip

Disclaimer | Colofon | © 2011 Stichting IJsselacademie. Alle rechten voorbehouden.