In een vrogge publicatie van de IJA (1986), Jan in de zak, staon streekrecepten, veräälties en anekdotes, die verzameld en eskröven bint deur ons Werkverband Dialekten. In de maond november kan et al kold wèèn, maer een pörsien van de bofferd uut Genemuden maakt oe dan elemaole lekker wärm.
Bofferd (ok Boffert) ku-j op verskillende menieren klöörmaken. In Genemuden doen ze et op de meniere zoas ieronder stiet. Een máchtig gerecht… en ok máchtig lekker!

2 pond bloem
1 pond vet spek
½ päkkien botter
6 eiers
2 theelepels zolt
veur 2 pond bloem bakkersgist
melk

Dit geræcht wördt ebakken in de novend. Baktied 3 tot 3½ uur: ± 10 menuten op de hoogste stand, doornao stand 2.

’t Spek in pläkkies snieden, ongeveer 1 cm dekke, doornao zächies uutbakken in de panne woor as de bofferd in ebakken wördt. Doet doornao de botter bi’j ’t spek en ’t vet in de panne, en dit alles of laoten koelen.
De gist oplössen in wat lauw waeter en deur de bloem mengen.
De eiers d’r deur kloppen en doornao ieder keer met een bietien melk verdunnen tot as d’r een bri’jerige massa ontstet, waor as de gerde in kan blieven staon.
Dit beslag get now boven op ’t spek en ’t vet en dan kan ’t zo de novend in.
Wel de deksel op de panne ollen.
Bofferd wördt egeten in plakken, met warme melk en broene suker.